રીપોર્ટ:-નઈમ મુન્ડા દાહોદ
લોકસભાની ચૂંટણીને અનુલક્ષીને ગુજરાત મધ્યપ્રદેશ ઇન્ટીગ્રેટેડ સયુંકત પોસ્ટ પર FST/SST તેમજ ઝાબુઆ પોલીસની સંયુક્ત ચેકિંગ દરમિયાન રાજકોટથી ઇન્દોર તરફ જતી ખાનગી લક્ઝરી બસમાંથી 27 લાખ ઉપરાંતની કિંમતની 72 kg જેટલી ચાંદીના દાગીના ચેકિંગ કરનાર ટીમને મળી આવતા ઉપરોક્ત બનાવમાં ઝાબુઆ પોલીસે લક્ઝરી બસના ચાલકના નિવેદનના આધારે ચાંદીના દાગીના જપ્ત કરી આગળની તપાસ હાથ ધરી છે.
ગુજરાત મધ્યપ્રદેશને જોડતી પિટોલ ચેકપોસ્ટ પર ઝાબુઆ પોલીસ અધિક્ષક પદ્મવિલોચન શુક્લ, તેમજ કલેકટર નેહા મીણાના નિર્દેશનમાં FST/SST તેમજ સ્થાનિક પોલીસ દ્વારા અવરજવર કરતા વાહનોની ચેકિંગ કરી રહ્યા હતા તે દરમિયાન રાત્રિના ત્રણ વાગ્યાના આસપાસ રાજકોટથી આવતી અને ઇન્દોર તરફ જતી Gj-03-BV-2626 નંબરની મહીસાગર લક્ઝરી બસને રોકી ચેકિંગ હાથ ધરતા લક્ઝરી બસની ડીક્કીમાં કંથાનના બોરામાંથી ચાંદીના દાગીના મળી આવતા ઉપરોક્ત ટીમો પણ ચોકી ઉભી હતી. ત્યારબાદ સંબંધિત વિભાગના અધિકારીઓને જાણ કરી તમામ મુદ્દામાલને ગણતરી કરતા આખરે બે કલાકની જહેમત બાદ ગણતરીના અંતે 27.56 લાખ ઉપરાંત કિંમતની 72 કિલો ચાંદી મળી આવતા પોલીસે લક્ઝરી બસના ચાલક અરશીભાઈ સવદાસ આહીર રહેવાસી જુનાગઢ જોડે પૂછપરછ હાથ ધરતા ચાલકે જણાવ્યું હતું કે આ ચાંદીના દાગીના રાજકોટથી કોઈ વેપારીએ ઇન્દોરના કોઈ વેપારી માટે મોકલ્યા હતા. જે અંગે જણાવતા પોલીસે ઉપરોક્ત મુદ્દામાલ જપ્ત કરી આગળની વધુ તપાસ હાથ ધરી છે. .
